གསུང་མགུར་བརྒྱ་དང་ཞེ་དགུ༌པ།
ཐར་པ་འཐོབ་པ་དང་ཉེས་ཆད་གཏོང་བའི་ཕྱིར་དཀོན་མཆོག་ཡ་ཝཱེར་བསྟོད་པ།
1 ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌། །ཁོང་ལ་མགུར་གླུ་གསར་པ་ཞིག་ཕུལ༌དང༌། །དད་ལྡན་རྣམས་ཀྱི་ཚོགས་ནང་ཁོང་ལ༌བསྟོད།།
2 ཡེས་ར་ཨེལ་ནི་རང་གི་བྱེད་པོའི༌ནང༌། །དགའ་བར་གྱུར་ཅིག་ཛ་ཡན་མི་རྣམས༌ནི། །རྒྱལ་པོའི་རྐྱེན་ལ་བརྟེན་ནས་སྐྱིད་པར༌ཤོག།
3 བྲོ་གར་འཁྲབ་ཀྱིན་ཁོང་གི་མཚན་ལ༌བསྟོད། །སིལ་རྔ་པི་ཝང་ལམ་ནས་བསྟོད་དབྱངས༌ཕུལ།།
4 ཡ་ཝཱེ་ཉིད་ཀྱི་འབངས་ལ་ཐུགས་མཉེས༌ཤིང༌། །ཁེངས་སྐྱུང་མི་རྣམས་ཐར་པས་བརྒྱན་བྱེད༌དོ།།
5 དད་ལྡན་རྣམ་པ་དཔལ་ནང་དགའ་བར༌ཤོག །མལ་ཁྲིའི་སྟེང་དུ་དགའ་འབོད་བྱེད་གྱུར༌ཅིག།
6 དེ་རྣམས་སྨྲ་སྒོར་དཀོན་མཆོག་རྒྱུན་བསྟོད༌ཅིང༌། །རལ་གྲི་ཁ་གཉིས་ལག་ཏུ་ཐོགས་གྱུར༌ཅིག།
7 མི་རིགས་སོ་སོར་དགྲ་ལན་སློག་པ༌དང༌། །མི་སྡེ་ཀུན་ལ་ཉེས་ཆད་གཅོད་ཕྱིར༌དང༌།།
8 དེ་ཚོའི་རྒྱལ་པོ་སྒྲོག་གིས་བཅིང་བ༌དང༌། །སྐུ་དྲག་རྣམས་ལ་ལྕགས་སྒྲོག་རྒྱག་པ༌དང༌།།
9 དེ་ཚོར་བྲིས་པའི་ཉེས་ཆད་གཏོང་ཕྱིར༌རོ། །འདི་ནི་དད་ལྡན་རྣམ་པའི་གཟི་དཔལ༌ཡིན། །ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌།།