གསུང་མགུར་བརྒྱ་དང་ཉི་ཤུ༌པ།
དཀའ་སྡུག་ཁྲོད་ཀྱི་ཞུ་འབོད།
1 ༼ཡར་གནས་མཇལ་དུ་འགྲོ་བའི་མགུར༌མ།༽ དཀའ་སྡུག་ཁྲོད་ནས་ཡ་ཝཱེ་བོས་པ༌དང༌། །ཁོང་གིས་ང་ལ་བཀའ་ལན་གནང་བྱུང༌ངོ༌།།
2 ཀྱེ་ཀྱེ་ཡ་ཝཱེ་རྫུན་གྱི་མཆུ་སྒྲོས༌དང༌། །གཡོ་སྒྱུའི་ལྕེ་ལས་ང་རང་སྐྱོབ་པར༌མཛོད།།
3 གཡོ་སྒྱུའི་ལྕེ་ཁྱོད་ཁོང་གིས་ཅི་སྟེར༌རམ། །དེ་ལས་ལྷག་པ་ཅི་ཞིག་བྱ་འོང༌ངམ།།
4 ཁོང་གིས་དཔའ་བོའི་མདའ་མོ་རྣོན་པོ༌དང༌། །ཤུག་པའི་སྡོང་པོའི་སོལ་མེ་བཏང་འོང༌ངོ༌།།
5 ང་རང་ད་མེ་ཤེག་ཏུ་བསྡད་པ༌དང༌། །ཀེ་དཱར་གུར་ནང་གནས་པས་ཆག་སྒོ༌འབྱུང༌།།
6 ཞི་མཐུན་ལ་ནི་སྡང་བའི་མི་མཉམ༌དུ། །ང་རང་བསྡད་ནས་དུས་ཡུན་རིང་དྲགས༌སོ།།
7 ང་ནི་མཐུན་པར་དགའ་ཞིང་གཏམ་སྨྲ༌དུས། །དེ་རྣམས་འཁྲུག་པ་རྒྱག་པར་རྩོམ་བྱེད༌དོ།།