གསུང་མགུར་བཅུ་གཉིས༌པ།
སྐྱབས་གསོལ་བའི་སྨོན་ལམ།
1 ༼གཞས་གདངས་བརྒྱད་པའི་ནང་དབུ་མཛད་ལ་སྤྲད་པའི་དཱ་བིད་ཀྱི་མགུར༌མ།༽ དད་གུས་ཅན་ནི་ཟད་ཅིང་མི་བུ༌ཁྲོད། །བློ་དཀར་ཚར་བས་ཡ་ཝཱེ་སྐྱབས་མཛོད༌ཅིག།
2 ཁོ་ཚོས་ཕན་ཚུན་བར་དུ་རྫུན་སྨྲ༌ཞིང༌། །ངོ་བསྟོད་མཆུ་ཡིས་གཡོ་སྒྱུའི་སྦྱོར་བ༌སྤེལ།།
3 ཡ་ཝཱེས་ངོ་བསྟོད་བརྗོད་པའི་མཆུ་སྒྲོས༌དང༌། །འུད་གཏམ་ཤོད་པའི་ལྕེ་ནི་གཅོད་པར༌ཤོག།
4 དེ་ཚོས་རང་རེའི་ལྕེ་ཡིས་རྒྱལ་ཁ༌ལོན། །རང་གི་མཆུ་སྒྲོས་རང་ལ་དབང་བ༌ཡིན། །རང་ཅག་བདག་པོ་སུ་ཡོད་ཅེས་སྨྲས༌སོ།།
5 སྐྱོ་བོ་རྣམས་ལ་ཐེབས་པའི་གཏོར་བརླག༌དང༌། །དབུལ་པོས་ཕྱུང་བའི་འཁུན་སྒྲ་དེའི་རྐྱེན༌གྱིས། །ད་ལྟ་ང་རང་ལངས་ནས་ཁོ་རྣམས༌ནི། །ཡིད་སྨོན་འཆོར་བའི་བདེ་ལ་འགོད་ཅེས༌གསུངས།།
6 ཡ་ཝཱེའི་བཀའ་ནི་ལྷད་མེད་བཀའ་ཡིན༌ཞིང༌། །ས་ཡི་བཞུ་ཐབ་ནང་དུ་ལན་བདུན༌ལ། །བཙོ་སྦྱང་བྱས་པའི་དངུལ་དང་གཅིག་མཚུངས༌ཡིན།།
7 ཡ་ཝཱེ་ཁྱེད་ཀྱིས་ཁོ་རྣམས་སྐྱོབ་པར༌མཛོད། །འཇིག་རྟེན་མི་ལས་གཏན་དུ་སྐྱབས་སུ༌གསོལ།།
8 མི་ཡི་དཀྱིལ་དུ་ངན་ལ་བསྟོད་ཙ༌ན། །སྡིག་སྤྱོད་ཅན་རྣམས་ཕྱོགས་བཞིར་འཁོར་བ༌ཡིན།།