གསུང་མགུར་བརྒྱ་དང་བཅུ་གསུམ༌པ།
དཀོན་མཆོག་ཡ་ཝཱེའི་མཛད་པར་བསྟོད་པ།
1 ཁྱོད་ཚོས་ཡ་ཝཱེར་བསྟོད་པར་གྱིས་ཤིག༌ཨང༌། །ཀྱེ་ཀྱེ་ཡ་ཝཱེའི་ཞབས་ཕྱི་ཁྱོད་རྣམས༌ཀྱིས། །ཡ་ཝཱེའི་མཚན་ལ་བསྟོད་པར་གྱིས་ཤིག༌ཨང༌།།
2 ཡ་ཝཱེའི་མཚན་ནི་བསྟོད་པར་འོས་པ༌སྟེ། །དེ་རིང་དུས་ནས་རྟག་ཏུ་བསྟོད་འོས༌སོ།།
3 ཉི་མ་ཤར་ནས་ནུབ་ལ་བཞུད་པའི༌བར། །ཡ་ཝཱེའི་མཚན་ནི་ཀུན་ནས་བསྟོད་འོས༌སོ།།
4 ཁོང་ནི་མི་རིགས་ཀུན་ལས་བླ་ན༌མཐོ། །ཁོང་གི་གཟི་བརྗིད་ནམ་མཁའ་ལས་ཀྱང༌མཐོ།།
5 རང་ཅག་དཀོན་མཆོག་ཡ་ཝཱེར་མཚུངས་པ༌སུ། །བླ་ན་མེད་པའི་གནས་སུ་དཀོན་མཆོག༌བཞུགས།།
6 གནམ་ས་ཡོངས་ཀྱི་དོན་ལ་གཟིགས་པའི༌ཕྱིར། །ཁོང་གིས་རང་ཉིད་དམའ་བར་བཟུང་མཛད༌དོ།།
7 སྙིགས་རྡུལ་ཚོགས་ལས་ཁོང་གིས་དབུལ་པོ༌འདེགས། །གད་སྙིགས་ཚོགས་ལས་ཁོང་གིས་སྤྲང་པོ༌འཐེན།།
8 རྒྱལ་སྲས་དང་ནི་མཉམ་དུ་འདུག་པ༌སྟེ། །མི་སྡེའི་རྒྱལ་སྲས་དང་ནི་འདུག་ཕྱིར༌རོ།།
9 མོ་ཤམ་རྣམས་ནི་ཁྱིམ་དུ་བདེ་ལ༌བཀོད། །ཕྲུ་གུ་མང་བའི་བདེ་སྐྱིད་གནང་བ༌འོ། །ཡ་ཝཱེ་ཁོང་ལ་ཀུན་གྱིས་བསྟོད་པར༌ཤོག།