འཕྲིན་ཡིག་འདི་ནི་སྐུ་ཚབ་པའི་དུས་སྐབས་ཀྱི་ཆོས་ཚོགས་ཀྱི་འགོ་པ་ཡ་ཧུ་དཱ་ཞེས་བྱ་བའི་མི་དེས། མི་སྒེར་གྱི་འཕྲིན་ཡིག་གི་ཚུལ་དུ་རོ་མཱ་གོང་མའི་རྒྱལ་ཁབ་ཏུ་ཁ་ཐོར་དུ་ཕྱིན་པའི་ཆོས་ཚོགས་ཀྱི་མི་རྣམས་ལ་སྤྲིངས་པ་རེད། སྐབས་དེའི་ཆོས་ཚོགས་ཕྲད་པའི་ཉེན་ཁ་ནི་ཐད་ཀའི་བཙན་གནོན་དང་རྩ་མེད་བཟོ་བ་ཞིག་མིན་པར། ཡེ་ཤུའི་ཆོས་ལུགས་ལ་ལོག་ལྟ་བཅངས་ནས་འཁྱོག་བརྗོད་བྱེད་པ་དེ་རེད།

འཕྲིན་ཡིག་འདི་ཡི་གེར་འགོད་མཁན་གྱིས་རང་ཉིད་ནི་ཡ་ཧུ་དཱ་ཡིན་པར་ངོས་བཟུང་ཡོད་ལ། ཁོང་ནི་བདག་ཅག་གི་གཙོ་བོ་ཡེ་ཤུའི་སྐུ་མཆེད་ཡ་ཧུ་དཱ་ཡིན། འཕྲིན་ཡིག་འདི་ནི་སྤྱི་ལོ་65ལོའི་ཡས་མས་སུ་ཡི་གེར་བཀོད་པ་ཡིན།

ཡ་ཧུ་དཱ་ཡིས་ཀློག་པ་པོ་རྣམས་ལ་ཐར་ལམ་སྐོར་གྱི་འཕྲིན་ཡིག་འབྲི་བའི་འདུན་པ་སྐོམ་པས་ཆུ་འདོད་པ་བཞིན་སྐྱེས་ནའང་། དེ་དག་གི་ཁྲོད་དུ་དཀོན་མཆོག་གི་ཐུགས་རྗེ་ལ་འགྲེལ་ལོག་རྒྱག་པའི་མི་ཚུལ་མིན་སྣ་ཚོགས་ཡོད་པས། ཁོང་གིས་དཀོན་མཆོག་གི་ཐུགས་རྗེ་ལ་འགྲེལ་ལོག་རྒྱག་མཁན་དེ་རྣམས་ལ་ཀློག་པ་པོ་རྣམ་པས་ངེས་པར་མཉམ་འཇོག་བྱེད་དགོས་པར་ཉེན་བརྡ་གཏོང་དགོས་སྙམ་པ་རེད། དགེ་རྒན་རྫུས་མ་དག་གིས་དཀོན་མཆོག་གི་ཐུགས་རྗེ་ལ་བརྟེན་ནས་དད་ལྡན་རྣམས་ལ་ཐར་པ་ཐོབ་ཟིན་པའི་རྐྱེན་གྱིས་ཁྱོད་ཚོས་མ་འོངས་པར་སྡིག་པ་བྱས་ཀྱང་ཁྱོད་ཚོ་དང་འབྲེལ་བ་མེད་ལ། ཁྱོད་ཚོས་གང་འདོད་དུ་སྡིག་པ་བྱས་ཆོག་ཅེས་སྨྲས་ཏེ། ཁོ་ཚོའི་ལྟ་ཚུལ་ངན་པ་ལ་དད་ལྡན་རྣམས་ཡིད་ཆེས་སུ་འཇུག་པ་ཡིན། དགེ་རྒན་རྫུས་མ་དེ་དག་ནི་ནཱ་སི་ཊི་༼Gnostics༽ཞེས་པའི་གྲུབ་མཐའ་འཛིན་མཁན་ཡིན་པར་འདོད་དེ། ཁོ་ཚོས་སེམས་ཉིད་ནི་ཡོངས་སུ་བཟང་པོ་ཡིན་པ་དང་ལུས་པོ་ནི་ཡོངས་སུ་ངན་པ་ཡིན་པར་ཁྲིད་སྟོན་བྱས་པ་རེད། ཁོ་ཚོའི་གཞུང་ལུགས་དེ་ནི་ཧ་ལམ་དུས་རབས་གཉིས་པའི་ནཱ་སི་ཊི་སེམ་༼Gnosticism༽ཞེས་པའི་གྲུབ་མཐའི་ལམ་ལུགས་ཀྱི་རྩ་བ་ཡིན།

1. ངོ་སྤྲོད། ༼1-2༽

2. འཕྲིན་ཡིག་གི་སྐབས་དེའི་གནས་བབས། ༼3-4༽

3. དགེ་རྒན་རྫུས་མ་རྣམས་ལ་ཉེན་བརྡ་གཏོང་བ། ༼5-16༽

4. དད་ལྡན་རྣམས་ལ་ནན་གྱིས་སྐུལ་བ། ༼17-23༽

5. མཐའ་མཇུག་དཀོན་མཆོག་ལ་ཕུལ་བའི་བསྟོད་བསྔགས། ༼24-25༽