Tai Dam ꞌPai sia ꞌmướng 2

ꞌVến ók ꞌtan ꞌMô‑ꞌsê

1 ꞌMưa ꞌnhám ꞌnặn ꞌmí ꞌpo ꞌchái ꞌcốn ꞌI‑ꞌsa‑ên phủ ꞌnưng pên ꞌchựa sai pú ꞌLê‑ꞌvi, ꞌmí ꞌmía ꞌchựa sai pú ꞌLê‑ꞌvi ꞌsướng#điêu. 2 ꞌMía ꞌmắn đảy dú ꞌpá ꞌdiến ók ꞌlụk pên phủ#ꞌchái. ꞌMưa phủ pên ꞌếm hên ꞌlụk ꞌnọi ꞌcọ pên nả ꞌhặc ta ꞌéng#lai, chắng ꞌsuôn ꞌliệng ꞌlụk ꞌvạy đảy sam#bươn. 3 Hák ꞌva ꞌchí ꞌsuôn ꞌvạy hơng lai ꞌcọ báu#đảy, ꞌsướng ꞌnặn phủ pên ꞌếm chắng ꞌdệt ú ꞌmạy#ỏ, ꞌtá dang sia báu#hảư ꞌnặm khảu#đảy, ꞌlẹo chắng au ꞌlụk ꞌnọi sáư ú pay ꞌváng sáư ꞌhím ꞌme ꞌnặm bón ꞌmí pá#ỏ. 4 Phủ pên í ꞌchái ꞌnọi ꞌnặn lỏ ꞌkhặn pay dưn dú cá đắc phó#bớng, é ꞌhụ ꞌnọng ꞌmắn ꞌchí pên ꞌsứ đaư#ók.

5 ꞌLẹo ꞌlụk ꞌnhính pua ꞌmướng Ê‑díp ꞌlống pay áp cá ꞌme#ꞌnặm, ꞌpứng sao ꞌchạư ꞌcọ ꞌnhang ꞌliệp dú#phắng. ꞌLụk ꞌnhính pua phó hên ú nẳng cang pá ỏ ꞌhím#ꞌnặm, ꞌdiến bók sao ꞌchạư ꞌlống pay au ꞌmá#bớng. 6 ꞌNáng khay#bớng, hên ꞌchái ꞌnọi hảy#dú, ꞌdiến ngắm ín đu ꞌtuộng#ꞌva, “Ăn ꞌnị ꞌlụk ꞌnọi ꞌcốn ꞌHệp‑ꞌlơ lỏ#ꞌquá.”

7 Í ꞌchái ꞌnọi ꞌnặn chắng ꞌmá tham ꞌlụk ꞌnhính pua#ꞌva, “ꞌNáng é hảư khỏi pay sáo ꞌcốn ꞌnhính ꞌHệp‑ꞌlơ ꞌmá ꞌliệng ꞌnốm ꞌchái ꞌnọi ꞌnị#báu?”

8 ꞌNáng tóp#ꞌva, “Pay sáo#ꞌí.”

Í ꞌchái ꞌnọi ꞌnặn ꞌdiến ꞌmứa khék ꞌếm ꞌmắn#ꞌmá. 9 ꞌLụk ꞌnhính pua chắng bók#ꞌva, “Au ꞌchái ꞌnọi ꞌnị ꞌmứa ꞌliệng ꞌnốm#ꞌnớ. ꞌLẹo khỏi ꞌchí au ꞌca ꞌliệng#hảư.”

ꞌẾm ꞌmắn chắng ủm au ꞌchái ꞌnọi ꞌmứa ꞌliệng#ꞌvạy. 10 ꞌChái ꞌnọi nháư khửn sôm ꞌpó#ꞌlẹo, ꞌếm ꞌmắn chắng au ꞌmá sống hảư ꞌlụk ꞌnhính#pua. ꞌNáng nhẳn au pên#ꞌlụk, chắng púk ꞌchư hảư ꞌva ꞌMô‑ꞌsê, ꞌhiạk ꞌva ꞌnáng đảy au ók nẳng ꞌnặm#ꞌmá.*

ꞌTạo ꞌMô‑ꞌsê ꞌpai pay dú cá ꞌmướng ꞌMi‑đi‑an

11 ꞌTạo ꞌMô‑ꞌsê nháư ꞌlẹo, ꞌmí ꞌmự ꞌnưng ꞌtạo chắng ók pay bớng ꞌpi ꞌnọng ꞌphắn ꞌcốn ꞌHệp‑ꞌlơ, chắng hên sau ꞌdệt ꞌviạk nắc na#lai. ꞌTan hên ꞌcốn Ê‑díp đang ꞌtặp phủ#ꞌnưng ꞌcốn ꞌHệp‑ꞌlơ ꞌmen ꞌpi ꞌnọng ꞌphắn ꞌcốn#ꞌtạo. 12 ꞌLé nả ꞌlé lăng báu#hên#phaư, ꞌtạo ꞌdiến khả ꞌcốn Ê‑díp ꞌnặn#sia, ꞌlẹo phăng ꞌmắn ꞌsuôn ꞌvạy nẳng đin#ꞌsái.

13 ꞌMự lăng ꞌmá ꞌtạo ꞌMô‑ꞌsê ók pay#máư, ꞌdiến hên song ꞌcốn ꞌHệp‑ꞌlơ đang ꞌtặp căn#dú, chắng hảm phủ phít#ꞌva, “Chảu chắng ꞌtặp ꞌpi ꞌnọng ꞌcốn ꞌHệp‑ꞌlơ chảu ꞌsịn#ꞌlế?”

14 Phủ phít ꞌnặn ꞌdiến đá ꞌtạo#ꞌva, “Phaư téng hảư ꞌmứng ꞌmá pên phủ téng đa kéng sét ꞌván ꞌviạk hảư ꞌsúm phu#ꞌlế. ꞌMứng ngắm é khả cu ꞌsướng ꞌmứng khả ꞌcốn Ê‑díp ꞌnặn#ꞌquá.”

ꞌMô‑ꞌsê tốc chaư#dản, ngắm ꞌhiạk ꞌmí ꞌcốn Ê‑díp đảy hên ꞌhụ ꞌnéo chảu đảy ꞌdệt ꞌmá#ꞌlẹo.

15 ꞌMưa pua ꞌmướng Ê‑díp ꞌhụ ꞌdiến ha ꞌtáng ꞌchí khả ꞌMô‑ꞌsê#sia. ꞌSướng ꞌnặn ꞌMô‑ꞌsê chắng ꞌtéo ꞌpai pay dú cá ꞌmướng ꞌMi‑đi‑an. ꞌMưa pay ꞌhọt chắng ꞌnăng ꞌlống ꞌdặng ꞌkém khum diếng ꞌnặm#ꞌnưng. 16 Nẳng ꞌmướng ꞌnặn ꞌmí phủ#ꞌnưng pên mo ꞌchang khong ꞌphắn ꞌcốn ꞌMi‑đi‑an, ꞌmí ꞌlụk#ꞌnhính chết#ꞌcốn. ꞌPứng ꞌnáng au căn ꞌmá tắc ꞌnặm sáư ꞌháng hảư phen sắt sau#kin. 17 ꞌLẹo ꞌmí mốt ꞌliệng sắt phủ ứn ꞌmá sắp ꞌpứng ꞌnáng#ꞌpai. ꞌMô‑ꞌsê hên ꞌdiến tứn pay ꞌchoi ꞌpứng#ꞌnáng, ꞌlẹo ꞌcọ tắc ꞌnặm hảư phen sắt ꞌpứng ꞌnáng kin#é.

18 ꞌPứng ꞌnáng ꞌcứn ꞌmứa ꞌhọt#ꞌhướn, ꞌtan ꞌLu‑ên phủ pên ải sau chắng tham#ꞌva, “Pên săng ꞌmự ꞌnị ꞌpứng ꞌlụk chắng ꞌmá ꞌhướn ꞌchạu ꞌcợn#ꞌlế?”

19 Sau chắng ꞌtố sú ải#ꞌva, “ꞌMí phủ ꞌchái#ꞌnưng ꞌcốn Ê‑díp ꞌmá ꞌchoi ꞌpứng ꞌlụk khói sia phen ꞌliệng#sắt, ꞌlẹo ꞌnhắng ꞌchoi tắc ꞌnặm sáư ꞌháng hảư phen sắt ꞌháu kin#máư.”

20 Ải sau tham#ꞌva, “ꞌKhạy phủ ꞌnặn dú cá#đaư? ꞌPứng ꞌlụk chắng ꞌpai sia ꞌmắn ꞌsịn#ꞌlế? Pay ꞌmới ꞌmắn ꞌmá ꞌhướn kin khảu nẳng ꞌháu cón#ꞌí.”

21 ꞌMô‑ꞌsê chắng ꞌmứa ꞌlẹo ꞌdiến ꞌdặng dú nẳng ꞌhướn ꞌtan ꞌLu‑ên. Lăng ꞌmá phủ pên ꞌpo ꞌdiến sú ꞌlụk ꞌnhính ꞌchư Síp‑pô‑ꞌla hảư pên ꞌmía ꞌMô‑ꞌsê. 22 ꞌNáng đảy ók ꞌlụk ꞌchái#ꞌnưng, ꞌMô‑ꞌsê chắng púk ꞌchư ꞌlụk ꞌchái ꞌva Kê‑ꞌsôm, ꞌmí ꞌquám mai#ꞌva, “Khỏi pên ꞌcốn táng đảo ꞌtạo táng ꞌmướng đảy ꞌmá kin dú nẳng ꞌmướng ꞌphắn ꞌcốn#ứn.”†

23 Lăng ꞌmá, pua ꞌmướng Ê‑díp mết ꞌlới#sia. ꞌCốn ꞌI‑ꞌsa‑ên ꞌcọ ꞌnhắng đảy ꞌdệt ꞌviạk nắc pên khỏi sáu#dú, sau chắng chốm ꞌcháng khổ khốn pên#khỏi#sáu, chắng ꞌcháng ꞌhọt Chảu Pua#ꞌPhạ. 24 Chảu Pua ꞌPhạ đảy ꞌnghín sau ꞌcháng khổ#khốn, chắng ngắm ꞌhọt ꞌquám đảy nhẳn pao cắp pú Ắp‑ꞌla‑ꞌham, pú ꞌI‑ꞌsạc, kéng pú Da‑ꞌkhộp. 25 ꞌSướng ꞌnặn ꞌTan chảu chắng bớng hên ꞌcốn ꞌI‑ꞌsa‑ên, chắng ín#đu#sau.

* 2:10 2:10 ꞌMô‑ꞌsê: ꞌChư ꞌnị ꞌmí siêng pék ꞌquám ꞌHệp‑ꞌlơ ꞌmen “ꞌnhó#ók.” † 2:22 2:22 Kê‑ꞌsôm: ꞌChư ꞌnị ꞌmí siêng pék ꞌquám ꞌHệp‑ꞌlơ ꞌmen “ꞌcốn táng#đảo.”