Tai Dam ꞌPai sia ꞌmướng 15

Khắp sỏng ꞌnhó Chảu ꞌPhạ ꞌGiê‑ꞌhô‑ꞌva

1 ꞌLẹo ꞌtan ꞌMô‑ꞌsê cắp ꞌcốn ꞌI‑ꞌsa‑ên khắp sỏng ꞌnhó Chảu ꞌPhạ ꞌGiê‑ꞌhô‑ꞌva ꞌsướng#ꞌnị:

ꞌHá ꞌchí cha cáo tản khắp ꞌmuôn ꞌmớng sương cón#ꞌnớ.

So sỏng ꞌnhó Chảu ꞌPhạ ꞌGiê‑ꞌhô‑ꞌva

Phủ ꞌmí ꞌquiến ꞌhéng cả ꞌhung ꞌhướng nưa sáu

Đảy quát thỉm ꞌpứng ꞌmạ phủ khí chôm ꞌnặm bể pay sia.

2 ꞌGiê‑ꞌhô‑ꞌva ꞌchoi hảư ꞌhá ꞌmí ꞌhéng kheng cả

Hảư ꞌhá đảy khắp ꞌmuôn ꞌmớng sương

Chảu ꞌPhạ ꞌGiê‑ꞌhô‑ꞌva ꞌchoi ꞌhá đảy khói ꞌvến tai

ꞌHá chắng đảy cáo tản ꞌnhó ꞌnhọng Chảu ꞌPhạ phủ pên Chảu Chom

Chắng so sỏng ꞌnhó Chảu ꞌPhạ phủ pên Chảu Chom ải khong ꞌhá

3 Chảu ꞌPhạ ꞌGiê‑ꞌhô‑ꞌva pên lính sớc kheng cả

ꞌGiê‑ꞌhô‑ꞌva ꞌmen ꞌchư ꞌTan chảu.

4 ꞌTan chảu đảy quát thỉm se ꞌmạ ꞌlống bể ꞌtếng cá lính#pua.

ꞌPứng quan lính pua phủ ꞌhéng cả đảy chuốp chôm ꞌlống ꞌnặm bể#đeng.

5 ꞌNặm bể ꞌlợc ꞌmá thuổm au sau

ꞌLống sú ꞌpựn bể ꞌlợc pên ꞌdương tón đán.

6 ꞌChiếng Chảu ꞌPhạ ꞌGiê‑ꞌhô‑ꞌva

Phép ꞌmứ khoa ꞌhung ꞌhướng ꞌhéng cả

Ók ꞌmứ ꞌpẹ mốt sớc khát ꞌmun pay sia.

7 ꞌTan ꞌmí ꞌquiến nháư luông sế ꞌsống kheng#cả

Quát thỉm phủ tó sủ tai tốm pay sia.

ꞌTan pút nhay ꞌhọn ꞌhéng khả đắp

ꞌDương ꞌpháy mảy to ꞌphướng pên pháu.

8 ꞌTan páu ꞌlốm sáư ꞌtếng ꞌnặm bể

ꞌDiến ꞌnóng khửn pên ꞌphóng ꞌsướng pha

ꞌNặm ꞌlợc ꞌdiến ꞌnhưng kheng cang bể.

9 Phen sớc tản cáo ꞌvạu ꞌquám cả chướng căn

ꞌChí sắp au ꞌcốn ꞌI‑ꞌsa‑ên ꞌháu au hảư ꞌmắn đảy

Au ꞌtếng ꞌchương ꞌchu sính ꞌmá béng păn căn

Đảy ꞌpẹ ꞌháu ꞌdương ꞌsướng ꞌláng ao

ꞌChí thót đáp khả ꞌháu đắp sia, ꞌva#ꞌná.

10 Chảu ꞌPhạ ꞌGiê‑ꞌhô‑ꞌva páu ꞌlốm sáư ꞌnặm chôm phủ sớc đắp#sia

Sau đảy chôm ꞌlống bể ꞌlợc ꞌdương ꞌchứn tón nắc.

11 ꞌChiếng Chảu ꞌPhạ ꞌGiê‑ꞌhô‑ꞌva, ꞌthớn théng đaư ꞌcọ báu pék ꞌsướng ꞌTan chảu

Báu ꞌmí phaư pék ꞌTan

ꞌTan chảu phủ điêu ꞌmí ꞌquiến ꞌhéng#cả ꞌsứa mết

ꞌDệt ꞌnéo ꞌhung ꞌhướng lák lửm, pên nả dản sắn sai ꞌtẹ#ꞌná.

12 ꞌTan ꞌnhống ꞌmứ khoa ók ꞌlẹo

Đin ꞌdiến cưn au phen sớc pay sia.

13 ꞌTan cứ chaư ꞌhặc ꞌpéng mẳn kén

ꞌPá uôn ꞌcốn ꞌI‑ꞌsa‑ên, dên ꞌpay ꞌTan chảu đảy tháy au ꞌmá

Au phép cả uôn ꞌhọt ꞌti bón ꞌvạy hảư ꞌTan#chảu dú.

14 Siêng kháo ꞌhọt ꞌchu ꞌcốn táng ꞌphắn, ꞌnghín phép ꞌTan chảu sau dản sắn#sai

ꞌPá ꞌtếng dên ꞌpay ꞌmướng ꞌPhi‑ꞌli‑ꞌsa‑tin dản sắn tốc chaư.

15 ꞌTạo quan ꞌmướng Ê‑đôm ꞌcọ ꞌmáu ꞌmúa lo dản

ꞌTếng héng cốc ꞌmướng ꞌMô‑áp ꞌcọ dản sắn sai

Dên ꞌpay ꞌmướng Ca‑ꞌna‑an sia ꞌluống han cả.

16 ꞌChiếng Chảu ꞌPhạ ꞌGiê‑ꞌhô‑ꞌva

Khu sắn dản ăn ꞌhại tốc ꞌmen ꞌnén sau.

ꞌPộ phép nháư luông kheng ꞌhéng ꞌTan chảu

Sau chắng dưn ꞌsống tẳng kheng ꞌsướng sau đán

ꞌMưa dên ꞌpay ꞌTan chảu tháy ꞌmá ꞌvạy đảy phán cai ꞌmá.

17 ꞌTan chảu ꞌchí ꞌpá dên ꞌpay ꞌmứa dú cá ꞌtếng ꞌpú ꞌtoi

ꞌMen bón ꞌTan chảu đảy téng ꞌvạy pên ꞌti bón dú

Pên ꞌti bón dên ꞌpay vảy ꞌháu ꞌTan chảu.

18 Chảu ꞌPhạ ꞌGiê‑ꞌhô‑ꞌva ꞌchí ꞌnăng ꞌtến ꞌlớng ꞌlớng ꞌdứn mẳn ꞌva#ꞌná.

19 ꞌMưa ꞌtếng#cá ꞌmạ cá se#ꞌmạ, lính ꞌmạ khong pua ꞌmướng Ê‑díp ꞌlống ꞌnặm bể sắp ha ꞌphắn ꞌcốn ꞌI‑ꞌsa‑ên ꞌnặn, Chảu ꞌPhạ ꞌGiê‑ꞌhô‑ꞌva hảư ꞌnặm lay ꞌcứn ꞌmá thuổm au#sau. ꞌCốn ꞌI‑ꞌsa‑ên đảy khảm pay ꞌtoi sểm ꞌtáng kháư cang ꞌnặm#bể. 20 ꞌLẹo ꞌpi ꞌnhính ꞌA‑ꞌlôn ꞌchư ꞌMi‑ꞌli‑am pên ꞌlam páo ꞌquám Chảu Pua#ꞌPhạ, ꞌtặp cống ꞌnọi ꞌnhang ók#nả. ꞌPứng phủ ꞌnhính phaư ꞌcọ ꞌtặp cống ꞌnhang ꞌsé pay#ꞌpọm. 21 ꞌNáng ꞌMi‑ꞌli‑am khắp sú sau ꞌphắng:

Khắp sỏng ꞌnhó Chảu ꞌPhạ ꞌGiê‑ꞌhô‑ꞌva

Phủ ꞌmí ꞌquiến ꞌhéng#cả ꞌhung ꞌhướng ꞌsứa nưa sáu

Đảy quát thỉm ꞌpứng ꞌmạ phủ khí chôm ꞌnặm bể pay sia.

Chảu ꞌPhạ ꞌGiê‑ꞌhô‑ꞌva piến ꞌnặm khôm hảư pên ꞌnặm van

22 ꞌTan ꞌMô‑ꞌsê đảy ꞌpá ꞌphắn ꞌcốn ꞌI‑ꞌsa‑ên té ꞌnặm bể đeng pay ꞌhọt ꞌtông ꞌlẹng khék ꞌSu‑ꞌlê. Sau ꞌtiếu ꞌtáng dú ꞌtông ꞌlẹng đảy sam#ꞌmự, sáo ha ꞌnặm báu#ꞌmí. 23 ꞌLẹo sau ꞌcọ ꞌmá ꞌhọt bón#ꞌnưng khék ꞌva ꞌMa‑ꞌla, hák dú nẳng hẳn ꞌnặm khôm kin báu#đảy, chắng khék ꞌva ꞌMa‑ꞌla.* 24 Dên ꞌpay chắng chốm hảư ꞌtan ꞌMô‑ꞌsê ꞌva, “ꞌChí au ꞌnặm cá đaư ꞌmá#kin?” 25 ꞌTan ꞌMô‑ꞌsê đé so ꞌhọt Chảu ꞌPhạ ꞌGiê‑ꞌhô‑ꞌva ꞌchoi. ꞌTan chảu chắng hảư ꞌMô‑ꞌsê hên ꞌcô ꞌmạy#ꞌnưng. ꞌTan ꞌMô‑ꞌsê chắng khắm au ꞌcô ꞌmạy ꞌnặn thỉm sáư#ꞌnặm, ꞌnặm ꞌdiến van#ók, [kin#đảy].

ꞌChớ ꞌphắn ꞌcốn ꞌI‑ꞌsa‑ên dú bón ꞌMa‑ꞌla ꞌnặn, Chảu ꞌPhạ ꞌGiê‑ꞌhô‑ꞌva ꞌdiến ꞌmí ꞌquám sắng hảư sau kéng thử chaư sau dú#hẳn. 26 ꞌTan chảu bók sau#ꞌva: “ꞌHáu ꞌnị ꞌmen ꞌGiê‑ꞌhô‑ꞌva Chảu Chom ꞌpứng#chảu. ꞌVa ꞌpứng chảu au chaư sáư ꞌdệt ꞌtoi ꞌluống ꞌtáng ꞌmen#ꞌháu, ꞌphắng au ꞌquám#sắng, ꞌdệt ꞌtoi ꞌchu ꞌquám#bók, ꞌháu ꞌcọ ꞌchí báu#hảư ꞌpứng chảu đảy chuốp chếp ꞌhại ꞌsướng ꞌháu đảy ꞌdệt hảư ꞌcốn Ê‑díp. ꞌHáu ꞌmen Chảu ꞌPhạ ꞌGiê‑ꞌhô‑ꞌva phủ ꞌchoi ꞌpứng chảu đảy hóm đi ꞌchu#ꞌnéo.”

27 ꞌLẹo ꞌphắn ꞌcốn ꞌI‑ꞌsa‑ên pay ꞌhọt bón ꞌnưng khék ꞌva Ê‑ꞌlim. Dú nẳng hẳn ꞌmí 12 bó ꞌnặm kéng 70 co mák#ꞌkhếng. Sau chắng ꞌdặng ꞌkém bó ꞌnặm bón#hẳn.

* 15:23 15:23 ꞌMa‑ꞌla: ꞌChư ꞌnị kẻ ꞌva “khôm”.