Ⅲ
Ⅰ N yɛɛr, a baaraa nɩ nyã ɩka yɩ tara pʊpɛl a sɩ Soro 'yɔ̃ɔ. A ba ɩ tuo kʊ ma ɩn lɛ sɛɛrɛ a yelsɩ ala nɩ a ju kʊrɔ yɩ go ɛ, an ɩn sʊ̃ʊfʊ kʊ yɩ.
Ⅱ Yɩ bɔ̃ɔnɔ̃ sʊ̃ nɩ a baar banyãna, ba ɩn yelbe-ɩrbɛ na ba ma ŋmara nɩbɛ yɔɩ pɔrɔ.
Ⅲ Bojũu sɩn lɛ ɩ a yɔŋmarba sɩrɛ jaa, na sɩ puoro a Nãaŋmɩn a Sɩɛ pɔ, na sɩ tara tɩɩr a Yesu Kɩrɩsɩto 'yɔ̃ɔ, na saa kaara a ãgãn ɛ.
Ⅳ Maa gba tara na mana na tʊ̃ɔ man tu a ãgãn pɔ. Ala ɩ nɩrɛ mɩ tara na yelsɩ amɩne na man, ka a lɛ na vɛ̃ ka wʊ tara sɔɔfʊ a ãgãn pɔ, maa tara na gar wʊ.
Ⅴ Ba ŋmaan a n yʊɔr a ber aniin daar, ka n ɩ a Isɩral nɩrɛ naa ɩ a Benjamin bal nɩrɛ, naa ɩ Heburu, ka ba dɔɔ ma ka ɩ Heburu nɩrɛ. A nɛɛ tufʊ jũu, ka ɩ Farasee.
Ⅵ N dɔ̃ɔn mʊ̃ɔ nɩbir naa gere a pupuorbiir gbulsɩ, a nɛbinãa yeltorsɩ jũu, n ba tara chɛfʊ jaa ɛ.
Ⅶ Tɩchɛ a ala a jaa ɩn dɔ̃ɔ nyɛ tɩɛr ɩka a tara na tɔ̃nɔ̃, n wa nyɛn ka a ba tara tɔ̃nɔ̃ jaa kʊ ma ɛ, a Yesu Kɩrɩsɩto jũu.
Ⅷ Bo lɛ gar a nɩtɔ̃, n nyɛn ka bon jaa ba tara tɔ̃nɔ̃ ɛ, maa de man ala na tara tɔ̃nɔ̃ ala ɩ n bɔ̃ɔ naa a n Soro Yesu Kɩrɩsɩto na ɩ a tɩɩr sʊɔ. A wʊ jũu lɛ n bar bonsɩ a jaa. A ɩn sɔ̃sɔɔr kʊ ma, ɩn bʊɔrɔ ɩka n bɔ̃ɔ Kɩrɩsɩto,
Ⅸ tɩ naa bʊɔrɔ ɩka n be a wʊ pɔ, naa ta bʊɔrɔ a maa mãɛ yeltorsɩ ala na yi a nɛbinãa pɔ ɛ, tɩchɛ a yeltorsɩ ala na yi a Kɩrɩsɩto sɔɔfʊ pɔ. A yeltorsɩ anyã lɛ yi Nãaŋmɩn sɛ̃ naa ɩ sɔɔfʊ.
Ⅹ N bʊɔrɔ na ɩka n bɔ̃ɔ a Kɩrɩsɩto nɩ a wʊ kũu pɔ lɩɛb irfʊ kpɛ̃ɔ, naa lɔ̃ɔn wʊ di a dɔɔyɛ wa kaara a wʊ kaar a wʊ kũu pɔ,
Ⅺ ka n mɩ wa pʊɔ a bala mɩ na wa lɩɛb ir a kũu pɔ.
Ⅻ A ba ɩ n tara na a anyãna a jaa ɛ, bɩɩ n ɩn chɛchɛ ɛ, tɩchɛ n mʊ̃ɔn nɩbir ɩka n nyɔɔ kpɛ̃ɔ, ka Yesu Kɩrɩsɩto mɩ nyɔɔ ma kpɛ̃ɔ.
ⅩⅢ N yɛɛr, n ba 'yɛr ɩka n nyɔɔn yele jaa baar ɛ. Tɩchɛ yele bʊ̃'yen ɩn ɩ lɛ ɩka, n ĩin a ala na be a puor bar, tɩ mʊ̃ɔ nɩbir tɩɛrɛ a ala na be a niem.
ⅩⅣ N mʊ̃ɔn nɩbir ɩka n tɩ de a saaju kʊfʊ a Nãaŋmɩn na bʊɔl ma tu a Yesu Kɩrɩsɩto 'yɔ̃ɔ.
ⅩⅤ A sɩn bala na baa a Nãaŋmɩn Sɩɛ pɔ, sɩ mɩ ma tara a bonsɩ a nyãna tɩɛr. Tɩ yɩn wa tɩɛr yelyuo yele jaa pɔ, Nãaŋmɩn na vɛ̃n ka yɩ bɔ̃ɔ a yelnyɩnɛ.
ⅩⅥ Yɩ vɛ̃ ka sɩ mʊ̃ɔ nɩbir nɩ a bonsɩ anyãna sɩn ben tara.
ⅩⅦ N yɛɛr, yɩ pʊɔ a yɩ taaba na yɩ turo a lɛ ɩn dɔ̃ɔ maal wiil yɩ, na yɩ bɔ̃ɔn a bala na kpɩɛrɛ a lɛ sɩn wiil yɩ.
ⅩⅧ Bojũu n dɔ̃ɔ de nie 'yɛr kʊ yɩ, tɩchɛ pʊ̃pãanyã nɩbikʊ̃ɔ pɔ lɛ n 'yɛrɛ kʊrɔ yɩ, bamɩne kpɩɛrɛ na fɩka a Kɩrɩsɩto daa ɩn 'laarfʊ kʊ ba.
ⅩⅨ A ba baaraa ɩn sɔ̃ɔfʊ, a ba ŋmɩn lɛ ɩ a ba ãgãn bʊ̃bʊɔrsɩ. Ba wile na ba mãɛ nɩ yelsɩ ala na ɩ vã nɩ ɩfʊ, a ba tɩɛrsɩ ɩn a wɛr nyã ju bʊ̃bʊɔrsɩ tɛɛ tɩɛr.
ⅩⅩ Tɩchɛ sɩn 'lɔ ɩn saaju Nãaŋmɩn bibiir, be lɛ sɩ chɛlɛ a Fafaara na ɩ a sɩ Soro Yesu Kɩrɩsɩto ka wʊ na yi wa.
ⅩⅪ A 'lɔ na tara kpɛ̃ɔ tʊ̃ɔ bon jaa na wʊ pire, wʊn den a kpɛ̃ɔ 'lɔ lɩɛb a sɩ ãgãma ka a kaara a wʊ mãɛ tɩɩr ãgãn kaar.