27
Yotɑmu
u kuɑ Yudɑbɑn sinɑ boko
(I mɑɑ mɛɛrio Sinɑmbu II, 15:32-38)
1 Wɔ̃ɔ yɛndɑ nɔɔbuwɑ Yotɑmu u mɔ sɑnɑm mɛ u bɑndu di. Mɑ u kuɑ wɔ̃ɔ wɔkurɑ nɔɔbu kɑ tiɑ bɑndu sɔɔ Yerusɑlɛmuɔ. Win mɛron yĩsirɑ Yerusɑ, Sɑdɔkun bii.
2 U sĩɑwɑ dee dee Yinni Gusunɔn wuswɑɑɔ. Win tundo Osiɑsin yirɑ u swĩi mɑm mɑm. Adɑmɑ u ǹ due Yinni Gusunɔn sɑ̃ɑ yerɔ. Yen biru, u derɑ tɔmbɑ sɑnkirɑmɔ win tem mɛ sɔɔ.
3 Wiyɑ u Yinni Gusunɔn sɑ̃ɑ yerun kɔnnɔ ɡe ɡɑ wɑ̃ɑ ɡunɡuru ɡiɑ bɑnɑ. Mɑ u mɑɑ bɑni dɑbinu kuɑ Ofɛlin ɡbɑ̃rɑrɔ.
4 U wusu bɑnɑ Yudɑn ɡuunɔ. Mɑ u mɑɑ kɔ̃su mɑru yenu kuɑ kɑ dii bɑkɑ dɑmɡinu yɑkɑsɔ.
5 U mɑɑ kɑ Amɔnibɑ tɑbu kuɑ, mɑ u bu kɑmiɑ. Wɔ̃ɔ ɡe sɔɔ, Amɔnibɑ bɑ nùn sii ɡeesun ɡobi wunɔbu (100) wɛ̃ kɑ dĩɑ bimi yi bɑ mɔ̀ ɔɔsun tɔnnu nɔrɔbun subɑ itɑ (3.000) kɑ ɑlikɑmɑn tɔnnu nɔrɔbun subɑ itɑ. Nɡe mɛyɑ bɑ mɔ̀ sere n kɑ ɡirɑri wɔ̃ɔ itɑ.
6 Yotɑmu u dɑm kuɑ. Domi u win nɑɑnɛ doke Yinni Gusunɔ sɔɔ.
7 Ye Yotɑmu u kuɑn sukum, win tɑbu kɑ win sɔmɑ ye u kuɑ, ye kpuron ɡɑri yoruɑ Isirelibɑ kɑ Yudɑbɑn sinɑmbun fɑɑɡin tireru sɔɔ.
8 Yotɑmu u mɔwɑ wɔ̃ɔ yɛndɑ nɔɔbu sɑnɑm mɛ u kuɑ sinɑ boko. Mɑ u kuɑ wɔ̃ɔ wɔkurɑ nɔɔbu kɑ tiɑ bɑn te sɔɔ Yerusɑlɛmuɔ.
9 Yen biru, u kpunɑ u ɡu. Mɑ bɑ nùn sikuɑ Dɑfidin wuuɔ. Mɑ win bii Akɑsi u bɑndu kɔsire kuɑ.