6
1 Isirelibɑ bɑ sɔ̃ɔnɑ bɑ nɛɛ,
i nɑ su ɡɔsirɑ Yinni Gusunɔn mi.
Wee u sun so u mɛɛrɑ kuɑ.
Adɑmɑ u koo bɛsɛn mɛɛrɑ ye nɔɔri u sun bɛkiɑ.
2 N ǹ mɑɑ tɛɛmɔ u kɑ sun wɑ̃ɑru wɛ̃,
kpɑ sɑ n wɑ̃ɑ win wuswɑɑɔ.
3 I de su kɑsu su nùn ɡiɑ.
Nɡe mɛ sɑ rɑ n yɛ̃ kɑm kɑm mɑ sɔ̃ɔ u koo yɑri,
nɡe mɛyɑ sɑ n mɑɑ yɛ̃ mɑ u koo nɑ.
U koo nɑwɑ nɡe tom buruku ɡurɑ ye yɑ rɑ tem yɛmiɑsie.
4 Yinni Gusunɔ u nɛɛ,
bɛɛ Yudɑbɑ kɑ Isirelibɑ, mbɑ kon bɛɛ kuɑ.
Wee bɛɛn kĩru nɛn sɔ̃ tɑ sɑ̃ɑwɑ nɡe bururun kɑkoru
ǹ kun mɛ nɡe dirum mɛ mu rɑ yɑrinɛ fuuku.
5 Yen sɔ̃nɑ kon bɛɛ nɛn sɔmɔbu ɡɔriɑmɑ
bu bɛɛ sɔ̃ mɑ kon bɛɛ sɛɛyɑsiɑ.
Kpɑ bu mɑɑ bɛɛ sɔ̃ mɑ kon bɛɛ ɡo.
Nɛn siribu bu koo sɔ̃ɔsirɑ nɡe yɑm bururɑm.
6 Domi wɔnwɔndɑ nɑ kĩ, n ǹ mɔ yɑ̃kuru.
Mɛyɑ nɑ mɑɑ kĩ nɛn tɔmbu bu mɑn ɡiɑ
n kere bu mɑn yɑ̃ku dɔ̃ɔ mwɑɑrɑruɡinu kuɑ.
7 Bɑ nɛn ɑrukɑwɑni kusiɑ nɡe mɛ tɔmbu bɑ rɑ n kuɑnɑmmɛ.
Wee bɑ mɑn tɔnu kɑndu kuɑ.
8 Gɑlɑdiɡibu bɑ sɑ̃ɑwɑ tɔn kɔ̃sobu
mɑ bɑ yɛm yɑri bɑɑmɑ.
9 Nɡe mɛ swɑɑ diobu bɑ rɑ n swɑɑ mɑrɑ,
nɡe mɛyɑ yɑ̃ku kowobun wuuru tɑ wɑ̃ɑ Sikɛmun swɑɑɔ tɑ tɔmbu ɡoomɔ.
10 Nɑ ɡɑ̃ɑ kɔ̃sunu wɑ Isireliɔ,
niyɑ bɑ bũnu ɡɑsirimɔ,
bɑ tii disi dokemɔ nɡe sɑkɑrɑ kowo.
11 Sɑɑ yɑ sisi yè sɔɔ kon mɑɑ bɛɛ Yudɑbɑ sɛɛyɑsiɑ.
Isirelibɑ kɑ bwese tukunu
Yinni Gusunɔ u nɛɛ,
sɑnɑm mɛ nɑ kĩ nɛn tɔmbu Isirelibɑ bu wurɑmɑ yorun di,