23 অধ্যায়
দায়ুদৰ ৰচিত গীত
1 যিহোৱা মোৰ ৰক্ষক, মোৰ অভাৱ নহব।
2 তেওঁ মোক কুমলীয়া ঘাঁহনি পথাৰত শুৱায়;
আৰু য’ত শান্তি আছে, এনে পানীৰ কাষে কাষে মোক চলায়।
3 তেওঁ মোৰ প্ৰাণ পুনৰায় সুস্থ কৰে;
নিজ নামৰ নিমিত্তে তেওঁ মোক ধৰ্মপথত চলায়।
4 এনে কি, মই মৃত্যুছায়াৰ উপত্যকায়েদি চলিলেও, মই কোনো আপদলৈ ভয় নকৰোঁ,
কিয়নো তুমি মোৰ সঙ্গত আছা;
তোমাৰ লাখুটি আৰু লাঠিয়ে মোক শান্তনা দিয়ে।
5 তুমি মোৰ শত্রুবোৰৰ সাক্ষাতে মোৰ সন্মুখত মেজ সজাইছা;
তুমি মোৰ মূৰ তেলেৰে তিয়াইছা;
মোৰ পান-পাত্ৰ উপচি পৰিছে।
6 অৱশ্যে মঙ্গল আৰু দয়া আয়ুসৰ সকলো কালত মোৰ পাছত যাওঁতা হ’ব,
আৰু মই চিৰকাললৈকে যিহোৱাৰ গৃহত বাস কৰিবলৈ পাম।