70
Avasa a̱ kula̱nsa̱ uɓa̱nki
Kadanshi a kubana u vuza vu kelime vi ishipa: Vishipa vu Dawuda. Adama a ku ciɓasa.
(Ishp 40:13-17)
1 Ka̱shile, yaꞋan moloko vu wawa mu,
Vuzavaguɗu, yaꞋan moloko vu ɓa̱nka̱ mu.
2 YaꞋan aza a na i a̱ kula̱nsa̱ wuma u va̱,
okpo n wono ali a̱ ripula̱.
YaꞋan aza a na a cigai ene mu atakaci,
okpo nu nlukana.
3 YaꞋan aza a na i a kudana, <<U yaꞋan ta̱, u yaꞋan ta̱,>>
a kpatala n wono.
4 Ama yaꞋan aza a na i a̱ kula̱nsa̱ wu ra̱ka̱,
a pana uyoꞋo a yaꞋan kpamu ma̱za̱nga̱ wu nu.
YaꞋan aza a na i a kuciga wishi u nu ko wannai,
a dana, <<Ka̱shile vuzagbayin ɗa.>>
5 Ama mpa vuza vu unambi ɗa, n vuza vu yali,
Ka̱shile, yaꞋan moloko,
adama a na avu ɗa ka̱ɓa̱nki ka̱ va̱ n kishi ka̱ va̱,
Vuzavaguɗu ka̱ta̱ vu geshe ba.