38
ܡܙܡܘܪܐ ܕܕܘܝܕ. ܠܕܘܟ݂ܪܢܐ.
1 ܒܟܲܪܒܘܼܟ݂ ܠܵܐ ܡܲܢܟܸܣܸܬ ܠܝܼ، ܝܵܐ ܡܵܪܝܵܐ،
ܘܒܚܸܡܬܘܼܟ݂ ܠܵܐ ܬܲܥܠܡܸܬ ܠܝܼ.
2 ܒܗ̇ܝ ܕܓܹܐܪ̈ܘܼܟ݂ ܛܥܝܼܨ ܠܗܘܿܢ ܒܝܼܝܼ،
ܘܥܲܠܝܼ ܨܠܹܐ ܠܵܗ̇ ܐܝܼܕܘܼܟ݂.
3 ܠܲܝܬ ܚܘܼܠܡܵܢܵܐ ܒܒܸܣܪܝܼ ܒܥܸܠܬܵܐ ܕܚܸܡܬܘܼܟ݂،
ܠܲܝܬ ܫܲܠܡܘܼܬܵܐ ܒܓܲܪ̈ܡܝܼ ܒܥܸܠܬܵܐ ܕܚܛܝܼܬܝܼ.
4 ܣܵܒܵܒ ܐܣܝܼܩ ܠܗܘܿܢ ܥܵܘܠܝܼ̈ ܥܸܠܸܠܔ ܡ̣ܢ ܪܹܝܫܝܼ،
ܐܲܝܟ݂ ܟܵܪܬܵܐ ܝܲܩܘܼܪܬܵܐ ܙܵܘܕܵܐ ܡ̣ܢ ܚܲܝܠܝܼ.
5 ܚܡܝܼܩ ܠܗܘܿܢ، ܓ̰ܪܹܐ ܠܗܘܿܢ ܕܲܪ̈ܒܵܬܝܼ،
ܒܥܸܠܬܵܐ ܕܣܲܟ݂ܠܘܼܬܝܼ.
6 ܦܝܼܫ ܠܝܼ ܩܘܼܛܪܸܢܵܐ، ܟܝܼܦ ܠܝܼ ܗܲܠܔ ܦܪܵܩܬܵܐ،
ܗܘܹܐ ܠܝܼ ܒܸܚܕܵܪܵܐ ܒܐܸܒ݂ܠܵܐ ܟܠܹܗ ܝܵܘܡܵܐ.
7 ܣܵܒܵܒ ܕܸܦܢܵܬܝܼ̈ ܡܸܠܝܹܐ ܝܢܵܐ ܩܝܘܼܕܵܐ،
ܘܠܲܝܬ ܚܘܼܠܡܵܢܵܐ ܒܒܸܣܪܝܼ.
8 ܬܒ݂ܝܼܢܝܼ ܘܦܝܼܫ ܠܝܼ ܛܒ݂ܝܼܚܵܐ ܟ̰ܸܡ ܪܵܒܵܐ،
ܒܘܼܪܒܸܪܝܼ ܡܣܵܒܵܒ ܫܓ݂ܝܼܫܘܼܬܵܐ ܕܠܸܒܝܼ.
9 ܡܵܪܝܵܐ، ܒܲܠܩܘܼܒ݂ܠܘܼܟ݂ ܝܼܠܵܗ̇ ܟܠܵܗ̇ ܛܠܵܒܬܝܼ،
ܘܬܲܢܲܚܬܝܼ ܡܸܢܘܼܟ݂ ܠܹܐ ܝܠܵܗ̇ ܛܫܝܼܬܵܐ.
10 ܠܸܒܝܼ ܪܲܦܪܘܼܦܹܐ ܝܠܹܗ، ܫܒ݂ܝܼܩܸܢܹܗ ܚܲܝܠܝܼ،
ܘܒܲܗܪܵܐ ܕܥܲܝܢܝܼ̈، ܐܘܼܦ ܗ̇ܘ ܠܲܝܬ ܥܲܡܝܼ.
11 ܡܲܚܸܒܵܢܝܼ̈ ܘܪ̈ܵܚܡܝܼ ܟܹܐ ܟܵܠܝܼ ܪܚܝܼܩܹܐ ܡ̣ܢ ܡܚܘܿܬܝܼ،
ܘܚܸܙܡܵܢܝܼ̈ ܪܸܚܩܵܐ ܟܸܠܝܹܐ ܝܢܵܐ.
12 ܘܡܘܼܬܸܒ݂ ܠܗܘܿܢ ܢܸܫܒܹ̈ܐ ܛܵܥܝܵܢܹ̈ܐ ܠܓܵܢܝܼ،
ܘܒܵܥܝܵܢܹ̈ܐ ܕܒܝܼܫܬܝܼ ܗܘܼܡܙܸܡ ܠܗܘܿܢ ܒܘܼܬ ܚܪܵܒ݂ܝܼ،
ܘܟܹܐ ܗܲܓܝܼ ܦܸܠܡܹ̈ܐ ܟܠܹܗ ܝܵܘܡܵܐ.
13 ܐܝܼܢܵܐ ܐܵܢܵܐ ܐܲܝܟ݂ ܚܲܪܫܵܐ ܝܘܸܢ ܕܠܹܐ ܫܵܡܹܥ،
ܘܐܲܝܟ݂ ܠܲܥܠܵܐ ܕܠܹܐ ܦܵܬܹܚ ܦܘܼܡܹܗ.
14 ܘܗܘܹܐ ܠܝܼ ܐܲܝܟ݂ ܐܢܵܫܵܐ ܕܠܹܐ ܫܵܡܹܥ،
ܘܕܠܲܝܬ ܕܪܵܫܬܵܐ ܒܦܘܼܡܹܗ.
15 ܣܵܒܵܒ ܐܸܠܘܼܟ݂، ܝܵܐ ܡܵܪܝܵܐ، ܣܒܝܼܪܝܼ،
ܐܲܢ݇ܬ ܒܸܬ ܓ̰ܲܘܸܒܸܬ، ܡܵܪܝܵܐ ܐܲܠܵܗܝܼ.
16 ܒܗ̇ܝ ܕܐܡܝܼܪܝܼ: ”ܠܵܐ ܗܵܘܹܐ ܕܚܵܕܝܼ ܥܲܠܝܼ،
ܒܓ̰ܪܵܛܬܵܐ ܕܐܲܩܠܝܼ ܓܲܪܘܸܣܝܼ ܓܵܢܵܝܗܝ.“
17 ܣܵܒܵܒ ܐܵܢܵܐ ܩܘܼܪܒܵܐ ܝܘܸܢ ܠܸܢܦܵܠܵܐ،
ܘܟܹܐܒ݂ܝܼ ܥܲܡܝܼ ܝܠܹܗ ܒܟܠܔ ܥܕܵܢܵܐ.
18 ܗܹܐ، ܒܸܬ ܡܵܘܕܸܢܹܗ ܥܵܘܠܝܼ،
ܒܸܬ ܦܵܫܡܹܢ ܒܘܼܬ ܚܛܝܼܬܝܼ.
19 ܘܕܸܫ̃ܡܸܢܝܼ̈ ܚܵܝܹ̈ܐ ܝܢܵܐ ܪܵܒܵܐ ܘܓܘܼܪܹ̈ܐ ܒܡܸܢܝܵܢܵܐ،
ܘܦܸܪ̈ܝܹܐ ܝܢܵܐ ܣܵܢܝܵܢܝܼ̈ ܒܠܵܐ ܥܸܠܬܵܐ.
20 ܘܦܵܪ̈ܥܵܢܹܐ ܕܒܝܼܫܬܵܐ ܡ̣ܢ ܓܹܒܵܐ ܕܛܵܒ݂ܬܵܐ
ܗܘܹܐ ܠܗܘܿܢ ܕܲܠܩܘܼܒ݂ܠܝܼ، ܒܗ̇ܝ ܕܢܦܝܼܠܔ ܠܝܼ ܒܵܬܪ ܛܵܒ݂ܬܵܐ.
21 ܠܵܐ ܫܵܒ݂ܩܹܬ ܠܝܼ، ܝܵܐ ܡܵܪܝܵܐ،
ܝܵܐ ܐܲܠܵܗܝܼ، ܠܵܐ ܪܵܚܩܹܬ ܡܸܢܝܼ؛
22 ܡܲܠܝܸܙ ܠܗܲܝܲܪܬܝܼ،
ܝܵܐ ܡܵܪܝܵܐ، ܦܘܼܪܩܵܢܝܼ.