13
David: Apuru ami anengkratairmin nintimsan pujajai timiauri
1 Apuru ¿waruka winasha nintimrutsume? ¿Winaka tuke kajinmatruktatmek? ¿Waruka anumrutkamsha pujame?
2 Wina nintirka kintajai metek najamrutawai.
Wina nemasur wina itit awajtamurin warutik inaitusat tusan kintajai metek wake mesekan pujajai.
3 Apuru wina Yusur asam jiirsam airkata.
Turam jakai tusam nintir paan nintimtikrurta.
4 Wi mianchau wajamtai,
wina nemasur ainau warasarai tusam surimrukta.
Turakmin wi nepetkajai turutcharti.
5 Ami anengkratairmin nintimsan wikia pengkerapita tajame.
Wina uwemtikruru asakmin,
wina nintirjai waraajai.
6 Apuru wina pengker awajtusu asakmin amin kantamruatjame.